Арнайы мекемелердегі әлеуметтік жұмыстың ерекшеліктері

Арнайы мекемелердегі әлеуметтік жұмыстың ерекшеліктері

     «Көкшетау қаласы, ауданаралық психологиялық-медициналық-педагогикалық кеңесі» коммуналдық мемлекеттік мекемесінің қызметкерлері жоспар бойынша  ақпан айының 12 жұлдызында кезекті кестеге сәйкес Көкшетау қаласында орналасқан Ақмола облысы жұмыспен қамту және әлеуметтік бағдарламаларды үйлестіру басқармасының «Көкшетау қаласы арнайы әлеуметтік қызметтер көрсету орталығы» коммуналдық мемлекеттік мекемесіне ерекше білімді қажет ететін балаларды қарау мақсатында аталған мекемеге бардық. Мекемеде күндізгі және стационарлық бөлімдер бар. Мекемеде барлығы 67 бала бар, олардың 19-сі 2009 жылдың мамыр айынан бастап жұмыс істейтін күндізгі топқа барады. Бұл топқа тірек-қимыл аппаратының қызметі бұзылған балалар келеді. "Арнаулы әлеуметтік қызметтер туралы" Заңға сәйкес барлық балаларға әлеуметтік қызметтер көрсетілді. Олардың медициналық қызметтерді де алу мүмкіндігі бар: массаж, физиотерапия, педиатр балаларды күнделікті тексереді, невропатолог пен психиатр кеңес береді және тағайындайды. Балалармен жаттығу терапиясының нұсқаушысы жұмыс істейді, балалар аптасына екі рет бассейнге барады. Мекемеде  «Арнайы әлеуметтік қызмет көрсету» Заңы бойынша барлық балаларға  8 бағытта әлеуметтік қызмет көрсетіледі. Сонымен қоса мекемеде логопед, психолог, дефектолог  мамандары, еңбек  нұсқаушысы, ән-күй мен дене шынықтыру мұгалімдері  әр-бір балаға арнап жеке жоспар құрады.

Дамуында ауытқуы бар балалар еркіндікті, әлеуметтік интеграцияны қамтамасыз ететін ортада толыққанды, лайықты өмір сүру көмек беретін ерекше күтім, білім және әлеуметтік ортаға бейімдеуге, ортада толыққанды, лайықты өмір сүруіне көмек беретін, білім және әлеуметтік ортаға бейімдеуге үйрете білу, қазіргі таңдағы мақсаттардың бірі болып табылады. «Көкшетау қаласы, ауданаралық психологиялық-медициналық-педагогикалық кеңесі» коммуналдық мемлекеттік мекемесінің қызметкерлері осы мақсатты негізге ала отырып дауында шектеуі бар балалармен қалай жұмыс істеу керек және қандай мамандармен жұмыс істеу керек екенін белгілеп, арнайы оқу бағдарламасының қорытындысын ұсынды.

                                  Әлеуметтік педагог: Кемешова Гульжан Нурусланқызы